Былтыр 214 нысанда құны 11 триллион теңгені құрайтын 227 аудиторлық іс-шара өткізілді. Бұл туралы Мемлекет басшысының қабылдауында болған Әлихан Смайылов айтты. Тексерістер аясында жалпы сомасы 862 млрд теңге болатын түрлі нормалардың бұзылғаны анықталған. Нәтижесінде бюджетке 135 млрд теңге қайтарылған. Бұл 2023 жылы өтелген қаржыдан 5 есе артық. Президент Әлихан Смайыловқа мемлекеттік аудит жүйесін жетілдіру жөніндегі жұмыстарды жалғастыруды тапсырды.
ӘЛИХАН СМАЙЫЛОВ, ҚР ЖОҒАРЫ АУДИТОРЛЫҚ ПАЛАТАНЫҢ ТӨРАҒАСЫ:
Биылғы жылы біз 40-қа жуық аудиторлық іс-шара өткіземіз. Соның ішінде СҚО, Жамбыл облысы, Қостанай облысы, алматы мен Астана қалаларының жергілікті бюджетінің шығыстарының аудит жүргізу. Сонымен бірге, Самырұқ-қазына қорында, ТЖМ, Кегок компаниясында, Казатомпром компаниясында және қорғаныс, білім беру, ғылым, спорт салаларында аудит жүргізілетін болады
