AMANAT-тықтар Еңбек адамына құрмет көрсетті. Партия мүшелері әр салада қызмет ететін оралдық мекеме-кәсіпорындардың жұмысшыларына тарту-таралғы жасап, алғыс хат табыстады.
Олардың ішінде мектеп-гимназияның оқытушысы, құрылысшы, тігіншілер, арнайы техника мен автобус жүргізушілері де бар. Партиялықтар ауа райының қолайсыздығына қарамастан, қаланы көркейтуге тынымсыз үлес қосып жүрген көше сыпырушыны да елеусіз қалдырмады. Өйткені олардың еңбегі елімізді дамытып, тұрғындардың тұрмысын түзеуге арналады. Демек, қазіргі қоғамда ең ауыр жұмысты атқаратын еңбек адамына құрмет көрсетілер ерекше болуы тиіс. Президент Қасым-Жомарт Тоқаевтың 2025 жылды "Жұмысшы мамандықтар жылы" деп жариялауы да осыған үндейді.
Азамат САФИМАЛИЕВ, “AMANAT” ПАРТИЯСЫНЫҢ БҚОФ АТҚАРУШЫ ХАТШЫСЫ:
Мекемедегі қызметкерлердің жағдайы дұрыс деп есептейміз. Мекеме басшыларымен сөйлескенде ең басты мәселе - біздің қызметкерлеріміз үшін, уақытылы жалақысын төлеу, жұмыс істеп жүрген, далалық жерде қызмет атқарып жүрген ааматтардың жағдайын жасау және жыл сайын берілетін сыйақымен бүкіл жағдайын жасау. Ең басты қызмет осы біздің жұмысберушілердің. Барлық жағдайы жасалғаннан кейін жұмысы да жүріп жатыр.
