Алдағы демалыс күндері ел аумағында тұрақсыз ауа райы сақталады, деп хабарлайды Azattyq Rýhy «Қазгидрометке» сілтеме жасап.
Атмосфералық фронттардың әсерінен еліміздің әр өңірінде жауын-шашын болады:
батыс, оңтүстік және оңтүстік-шығыста – жаңбыр;
солтүстік, шығыс және орталық аймақтарда – жаңбыр аралас қар жауады.
Синоптиктердің болжамынша, кей жерлерде боран соғып, көктайғақ пен тұман байқалады. Тек Батыс Қазақстан және Ұлытау облыстарында күн ашық болады.
Қай өңірлерде қатты жауын-шашын күтіледі?
23-24 наурыз – Маңғыстау облысында қатты жаңбыр жауады.
24 наурыз — Түркістан, Жамбыл, Алматы және Жетісу облыстарында жаңбыр жаууы мүмкін.
Температура қалай өзгереді?
Батыс Қазақстан: түнде -3…-8°C, күндіз +7…+12°C.
Оңтүстік-батыс: түнде 0…+8°C, күндіз +5…+13°C.
Солтүстік-батыс: түнде -3…-10°C, күндіз +2…+12°C.
Солтүстік: түнде 0…-8°C, күндіз 0…-5°C.
Орталық: түнде -2…-10°C, күндіз 0…-5°C.
Оңтүстік: түнде +3…+15°C, күндіз +8…+18°C.
Шығыс: түнде -3…-12°C, күндіз +3…-2°C.
Синоптиктер азаматтарға ауа райының қолайсыздығына дайын болып, жолда абай болуға кеңес береді.
