Ұлттық құрылтайда айтылған ұсыныстарға байланысты ішкі саясат саласына қатысты біртұтас кешенді құжат даярланады. Бұл туралы Мемлекеттік кеңесші Ерлан Қариннің Ұлттық құрылтайдың бірқатар мүшесімен кездесуінде айтылды. Құжат сарапшылардың, Ұлттық құрылтай мүшелері мен қоғам белсенділерінің, сондай-ақ, мемлекеттік органдардың қатысуымен бірнеше айдан бері әзірленіп жатыр. Бұл құжат ішкі саясат саласындағы негізі акторлар үшін басымдықтарды айқындауға мүмкіндік береді, мемлекеттік органдардың жұмысын бір жүйеге келтіруге ықпал етпек. Құжат жобасы алдағы уақытта сарапшылар және азаматтық қоғам өкілдерімен әлі талқыланады.
