Елде ауа температурасы 45 градусқа дейін ысиды. Бұл туралы "Қазгидромет" мамандары ескерту жасап жатыр. Күннің мұншалықты қатты ысуы 25-27-ші шілде аралығына болжанып отыр. Қазір "Қазгидромет" маманы біздің студиямен байланыста. Лаура Қанатқызы, қай аймақтарда температура 45 градусқа дейін жоғарылайды?
Лаура Сайлыбаева, инженер-синоптик:
Алдағы үш тәулікте жоғары атмосфералық қысымның әсерінен республикамыздың басым бөлігінен жауын-шашынсыз ауа райы күтілуде және ауа температурасы одан әрі жоғарылайды. Оңтүстік өңірлерде кей жерлерде 40-45 градус жылықты құрайды. Ал солтүстік аймақтарды 27-33, кей жерлерде 35-38 градусқа дейін көтеріледі.
-30 градустан жоғары ауа райы шілденің аяғына дейін сақталады ма?
Лаура Сайлыбаева, инженер-синоптик:
Шілденің аяғына дейін осындай ыстық ауа райы, яғни 30 градустан жоғары ауа температурасы әлі де сақталады.
Рахмет,
біздің сұрақтарымызға жауап берген "Қазгидромет" АҚ инженер-синоптигі
Лаура Сайлыбаева.
