Қарағанды
облысында биыл 8 жаңа кәсіпорын іске қосылып, 3 жүзден астам жұмыс орны
ашылған. Мұндай жетістікке «2015-2019
жылдарға арналған мемлекеттік индустриалды-инновациялық бағдарламаны» жүзеге
асыру барысында қол жеткізілді.
Бағдарламаның орындалу барысы «Нұр Отан» партиясы Қарағанды облыстық
филиалының отырысында талқыланды. Аймақта 103 жоба индустриалды-инновациялық
даму бағдарламасының картасына енген. Бүгінде оның 84-і жүзеге асырылған. Негізінен металлургия, химия, фармацевтика және
құрылыс салаларын қамтиды. Биылғы ең ірі жоба - ескі көліктерді қайта өңдейтін
зауыт. Ал 2018 жылы әк шығаратын өндіріс іске қосылмақшы. Сондай-ақ алдағы
екі жылда тағы 18 жобаны жүзеге асыру
жоспарланған.
Қайрат Шорманбаев, Қарағанды облыстық өнеркәсіп және индустриалды-инновациялық даму басқармасы басшысының орынбасары:
Жаңадан
ашылған кәсіпорындар аймақ тұрғындарына еңбек етіп, табыс табуға мүмкіндік
береді. Индустрияландыру бағдарламасы жүзеге асқалы 6 мыңнан астам жұмыс орны
ашылды. Осы бағдарлама аясында 2018-2020 жылдары тағы да 5 мың адамға жұмыс беру
жоспарланып отыр.