«СК-Фармация»
компаниясының экс-басшысы Максим Касаткинді қамауда ұстау мерзімі 15 қаңтарға
дейін ұзартылды. Бұл туралы Астана сотының
баспасөз қызметі хабарлады.
Касаткин төрт айдан бері қамауда отыр. Қылмыстық-процессуалдық кодекске
сәйкес, оның мерзімін 18 айға дейін созуға болады. Мұндай ұзартулар әдетте аса ауыр қылмыс
жасағандарға қолданылады.
Еске салайық, «СК-Фармацияның» бұрынғы басшысы өткен
жылы қыркүйекте ұсталды. Алайда оған тағылған айып туралы нақты мәлімет жоқ. Белгілісі, тергеу 2015 жылы өткізілген
дәрілік препараттар мен медициналық бұйымдарды сатып алуларға қатысты
жүргізіліп жатыр.
