Египетте қамауда болған 6 қазақстандық студент елге оралды. Бұл туралы ҚР Сыртқы істер минситрлігінің ресми өкілі Әнуар Жайнақов бүгін фейсбуктегі парақшасында жариялады. Ол жерлестеріміздің елге аман-есен жетіп, қазір үйлеріне қарай бағыттағандарын жазды.
Еске салсақ, Мысырға тіл үйренуге кеткен студенттердің байланысқа шықпай қалғанын туыстары хабарлады. Сыртқы істер министрлігі жоғалғандардың саны алтау екенін мәлімдеді. Кейін шілденің 19-ынан 20-сына қараған түні оларды Ұлттық қауіпсіздік қызметкерлері ұстап алғаны белгілі болды.
