Бүгін
Астана қалалық мәслихатының алғашқы сессиясы өтті. Жиында алтыншы шақырылым депутаттарына куәліктер
табысталды. Сондай-ақ, қала әкімі Әділбек Жақсыбеков бұрынғы мәслихат хатшысы,
қазір Мәжіліс депутаты атанған Сансызбай Есіловке атқарған еңбегі үшін алғыс
айтты.
Сайлаудан кейін мәслихат депутаттарының құрамы 60 пайызға жаңарған.
Жаңадан мандатқа ие болған 25 депутат «Нұр Отан» партиясынан. Сессия барысында
қалалық мәслихаттың хатшысын сайлау, тұрақты комиссияларды құру мен төрағаларын
сайлау мәселелері қаралды.
Әділбек
Жақсыбеков, Астана қаласының әкімі:
Бүгін
Президент Парламенттің алдында үлкен тапсырмалар қойды. Бұл тапсырмалар
сіздерге де, біздерге де қатысты. Сондықтан бәріміз бірлесіп, жұмыс жасап,
халықтың сенімін ақтап, Елбасының тапсырмаларын абыроймен орындаймыз деп сенемін.
Берік ХАСЕНОВ
