Венесуэладағы жойқын жер сілкінісінен соң Моисес есімді бала үйінді астында шамамен 70 сағат жатқан. Колумбия Қорғаныс министрлігі баланың құтқарылғаны туралы жаңалықты әлеуметтік Х желісінде жариялады.
Ведомство бұл оқиғаны «ғажайыпқа» теңеп, баланың аман табылуы құтқарушыларға үміт сыйлағанын мәлімдеді.
«Бұл – ғажайып! Моисес аман-есен табылды. Колумбиядан келген USAR COL-1 тобының қирандылар астындағы 70 сағаттық жұмысының арқасында 11 жастағы Моисес құтқарылды. Бұл бізге үміт беріп, аман қалғандарды іздеуге деген сенімімізді күшейтеді», – делінген министрлік хабарламасында.
