«Қиырдағы
қазақтар». Астанада осылай аталатын ерекше фильмінің тұсаукесері өтті. Ресми
мәлімет бойынша, шет елдегі қазақтар саны 5 миллион деп көрсетіледі. Алайда,
сыртта жүрген қандастарымыздың бұдан әлдеқайда көп екені туралы да пікірлер
бар. Қиыр жәйлап шет қонған қандастар әлемнің түкпір-түкпірінде түрлі салалар
бойынша еңбек етіп жүр. Ғылым мен жаңа технологияны бағындырғандар да жетерлік.
"Қиырдағы қазақтар" жобасының мақсаты - осындай жетістікті өзгелерге
көрсету.
Деректі фильм 8 сериядан тұрады деп жоспарланған. Әр бөлімі 25
минуттан. Қазір алғашқы 4 сериясы дайын. Онда Моңғолия, Ресей, Өзбекстан мен
Тәжікстандағы қазақтардың өмірі баяндалады. Бастама ақпарат және коммуникациялар
министрлігі тарапынан көтерілген. Жобаның демеушісі - кәсіпкер Оралбек Ботбай. Жоспар бойынша фильм ағылшын тіліне
де аударылады.
Олжас Беркiнбаев, «Қиырдағы қазақтар» жобасының жетекшiсi:
Ағайындарды ойласақ, көбі атқа мініп, киіз үйде жүргендерді елестеді. Біз мақсат мына ІТ маманын, білім саласындағы менеджерлерді көрсету болды. Моңғолия билігіне, экономикасына үлес қосқан ағайындарды танытқымыз келді.
Оралбек Ботбай, кәсіпкер:
Болашақта
Қытай, Канада, Франциядағы қазақтар шақырып жатыр. Бұл фильмнің әрі қарай
жалғасатынына еш күмән жоқ, тек халық пен Алланың қолдауы болса, үлкен дәрежеге
көтеріледі деп ойлаймыз.
