«Теңізшевройл» компаниясы мұнай өндірісін рекордтық деңгейге жеткізді. Бұл туралы Капитал кз
хабарлады. Былтыр 28 миллион 700 мың
тонна шикі мұнай өндірілген. Бұл Қазақстан мұнай нарығындағы ең жоғарғы көрсеткіш.
Осылайша компания мұнай-газ саласындағы көшбасшылығын сақтап отыр. Өткен жылы
Қазақстанға тікелей төлем 8,5 миллиард долларды құраған. Оның 2,5 миллиарды
қазақстандық тауар мен қызмет ақысы. Қазақстан-Америка бірлескен кәсіпорны 1993
жылдан бері Қазақстан экономикасына 125 миллиард доллар салған. Бұған дейін
жұмысшылардың 50 пайызы қазақстандық болса, былтыр бұл көрсетікiш 83 пайызға
жеткен.
