Астанада 29 шілде мен 9 тамыз аралығында «Болашақ ойындары – 2026» халықаралық мультиспорттық турнирі өтеді.
Жарыс цифрлық және дәстүрлі спорт түрлерін біріктіретін фиджитал форматында ұйымдастырылады.
Турнирге халықаралық клубтардан 800-ден астам спортшы қатысады. Ұйымдастырушылардың болжамынша, 12 күнге созылатын жарысты кемінде 100 мың көрермен тамашалайды.
Дода елорданың ірі спорт нысандарында – «Барыс Арена», Beeline Arena, Qazaqstan жеңіл атлетикалық спорт кешені және Жақсылық Үшкемпіров атындағы Жекпе-жек сарайында өтеді.
