Оралдық тәртіп сақшылары есірткі сатумен айналысқан күдіктіні ұстады. Жеке тінту барысында күдіктіден ерекше иісі бар ақ зат салынған жүздеген пакет табылыпты. Бұл заттың салмағы 510 грамнан асатын мефедрон екенін сот-химиялық сараптамасы да растады. Осыдан кейін полиция күдіктінің пәтерін тексеріпті. Бұл жерден де есірткі дайындауға керек құралдың бәрі табылған. Есірткі саудасын жолға қойған оның енді 7 жылға бас бостандығынан айрылуы мүмкін. Ал сақшылар мұндай "бизнестің" болашағы жоқ екенін ескертеді.
АЛИМА ҒАРИФУЛЛИНА, БҚО ПД АҚПАРАТТЫҚ САЯСАТ БӨЛІМІНІҢ АҒА ИНСПЕКТОРЫ:
Күдікті уақытша ұстау изоляторына қамалды. Аталған факті бойынша сотқа дейінгі тергеп-тексеру жүргізіліп жатыр. Қазақстан Республикасы Қылмыстық-процестік кодексінің 201-бабына сәйкес, өзге ақпарат жария етуге жатпайды.
