"Әділет" партиясының өкілдері Қалибек Қуанышбаев атындағы Қазақ ұлттық музыкалық драма театрының ұжымымен кездесті. Жиын барысында мәдениет саласын дамыту, шығармашылық қауымдастықты қолдау жөніндегі өзекті мәселелер талқыланды. Сондай-ақ, жиналғандар заманауи қалалық ортаны қалыптастырудағы өнердің рөлін сөз етті. Партияның сайлауалды бағдарламасы таныстырылды.
МАҒЖАН ҚЫСТАУБАЕВ, «ӘДІЛЕТ» ПАРТИЯСЫ АСТАНА ҚАЛАЛЫҚ ФИЛИАЛЫНЫҢ ТӨРАҒАСЫ:
Бүгінгі міне драма театрға жиналған себебіміз – осындағы театр адамдарымен бірге қосылып солардың мәселесін егжей-тегжейлі талқылап, өзіміздің тараптан партияның бағдарламасын түсіндіріп, біздің ертең үміткерлер Құрылтайға барғанда қандай өзгерістер жасайды, не жағынан көмектеседі, соның барлығын айтуға келіп, міне, кездесуде отырмыз.
