Премьер-министр Олжас Бектенов те өз сайлау учаскесіне келіп, дауыс берді. Үкімет басшысы конституциялық құқығын пайдалана отырып, ел болашағы үшін таңдау жасады. Ал Премьер-министрдің орынбасары – Мәдениет және ақпарат министрі Аида Балаева Астанадағы Ұлттық академиялық кітапхана ғимаратында орналасқан сайлау учаскесінде дауыс берді. Министр бұл сайлаудың ел болашағы үшін маңызды екенін атап өтті.
АИДА БАЛАЕВА, ҚР ПРЕМЬЕР-МИНИСТРІНІҢ ОРЫНБАСАРЫ – МӘДЕНИЕТ ЖӘНЕ АҚПАРАТ МИНИСТРІ:
Біз бақытты халықпыз. Өйткені өз болашағымызды айқындауға, өз болашағымыздың қалыптасуына үлес қосуға мүмкіндігіміз бар бірден бір халықпыз.
