Данияр Елеусінов әлем чемпионы болатынын мәлімдеді. Кәсіпқой боксқа қадам басқан олимпиада чемпионы британдық промоутер Эдди Хирнмен әріптестік орнатқан. Келісім 3 жылға есептелген. Брифингте жекпе-жектердің болатын күні ғана емес, уақыты да белгіленгені айтылды. Алғашқы қолғап түйістіру Нью-Йоркте өтеді. Ол сәуірдің 28-іне жоспарланған. Екінші жекпе-жек Лондонда маусым айында өтеді.
Данияр Елеусінов, бокстан олимпиада чемпионы:
Америкалық
бапкер болады қасымда кәсіпқой боксқа баптап, дайындайтын, әкем де болады
қасымда. Осы екеуі бірлесіп, ақылдасып жұмыс жасайды деген сенімдемін. Нью-Йорк қаласында тұрақтап, сол жақта
дайындаламын.
Ал
Геннадий Головкинмен жұдырықтасуы тиіс Сауль Альварес допинг-тесттен өтпей
қалды. «Канело» командасы допинг боксер ағзасына қуырылған етпен түскен деп
жорамалдап отыр. Дегенмен, 5 мамырға жоспарланған жекпе-жекті болдырмау немесе
шегеру туралы ресми мәлімдеме болған жоқ. Сарапшылардың бірі оның GGG-мен
жұдырықтасуына ешқандай зияны болмайды десе, енді бірі мұны өзіне көңіл аудару
үшін жасалған пиар деп бағалады.
