Маңғыстау облысының Бейнеу ауданында бір түнде 126 қой қырылды, деп хабарлайды AstanaTV.
Маңғыстау облыстық ветеринариялық басқармасы Бейнеу аудандық ветеринариялық станциясы басшысының айтуынша, 28 қыркүйекте сағат 10:00 шамасында тұрғындардан хабарлама түскен. Мамандар оқиға орнына барып, өлген малдың санын анықтаған.
"Бұл – 10 шақты отбасының малы. Қойларды бір бақташы кезекпен жайылымға шығарып отырған. Барлығы 210 қой болған, оның 126-сы бір түнде қырылып қалған. Қалған 84 қойдың жағдайы жақсы. Жұқпалы ауру белгілері байқалмайды. Қазір олар жайылымға шығарылды", - дейді Бейнеу аудандық ветеринариялық станциясының басшысы Нұралы Сәдіғұлов.
Оқиға орнына аудандық ветеринариялық станцияның мамандары барып, өлген малдан және қойлар су ішкен жерден су сынамаларын алған.
