Сеулдегі құрылыс алаңында Қазақстан азаматы қаза тапты, деп хабарлайды AstanaTV.
Сыртқы істер министрлігінің ақпаратынша, қайғылы оқиға 29 қыркүйекте болған. Қазақстандық азамат жазатайым оқиға салдарынан көз жұмған.
«Қазіргі уақытта Корея Республикасының құзырлы органдары оқиғаның мән-жайын анықтау үшін тергеу жұмыстарын бастады. Қазақстандық дипломаттар марқұмның туыстарымен байланыс орнатып, оларға консулдық-құқықтық көмек көрсетіп жатыр»,– делінген хабарламада.
Оңтүстік Корея деректеріне сәйкес, қайғылы жағдай таңғы сағат 09:45 шамасында Сеулдің оңтүстігіндегі Сочо ауданында болған. 23-қабатта тұрған ер азаматтың үстіне бетон бөлігі құлаған.
