Түркістан
облысы мен Шымкент, Түркістан қалалаларының аумағы белгіленді. Бұл туралы
Үкімет басшысының қаулысы Ашық Үкімет порталында жарияланды. Түркістан
облысының халық саны 2 млн 929 мың адам. Ал жер аумағы 6 млн 608 мың гектарды
құрайды. Су жаңа облыстың шекарасы Жамбыл, Қызылорда, Қарағанды өңірімен және
Өзбекстанмен шектеседі. 11 аудан, 3 қала және 841 елді мекеннен құралған. Ал
Шымкент қаласының аумағы 116 280 гектар. Құжат порталға халық талқылауы үшін 22
маусымда шығарылды. Онда әр азамат пікір білдіруге құқылы. Осы мәселеге орай
6 шілдеде қоғамдық тыңдау өтеді.
Еске
салайық, Президент Нұрсұлтан Назарбаев Түркістанды облыс орталығы ету туралы
бұйрыққа 19 маусымда жариялы түрде қол қойды. Ал Шымкенттің мәртебесі
республикалық маңызы бар шаһарға ауысты.
