«Самұрық
Қазына» ұлттық әл-ауқат қорының трансформация бағдарламасының алғашқы
қорытындыларын, оның еншілес компаниясы «ҚазПошта» жасады. «Бір жыл жүйелі
түрде жүргізілген жұмыстың арқасында пошта қызметінің жұмысы жедел, әрі ашық
бола түсті» дейді компанияның басқарма төрағасы Бағдат Мусин. Трансформацияның
арқасында қызметтің бірқатар түрлері автоматтандырылған. Мәселен, пошта жөнінде
ескертпе қазір пошта қабылдаушының қалта телефонына СМС хабарлама түрінде
түседі. Ал хабарламадағы кодты теру арқылы клиентке кезекте тұрмай поштасын
пошта-бокс арқылы алуына мүмкіндік жасалды. Қазір мұндай 17 қондырғы Астана,
Алматы және Қарағанды қалаларында орнатылған. Алдағы уақытта оларды өңірлерде
орнату жаспарда бар. «ҚазПошта» бүгінде мемлекеттік органдардың электронды
ақпарат жүйелерімен интеграцияланып, орталықтан өңірлерге хат жеткізу барысын
бірнеше есеге жеделдетті.
Өмірзақ
Шүкеев, «Самұрық-Қазына» Ұлттық әл-ауқат қоры» АҚ Басқарма төрағасы:
Мұндай
реформалар болмаса, үйреншікті әдіспен жұмыс істеп, кейбір қызмет түрлерін
жедел қолдануға болатынын білмес едік. Бүгінге дейін хабарламаны пошташы
арқылы, қағаз түрінде алып келдік. Қағаз бен адам күшін шығындадық. Ал дамушы
елдерде бұл қызметтер смс хабарлама арқылы іске асады.
Азамат
АЛДОҢҒАРОВ
