Радикалды
діни идеяларды ұстанатындар арнайы бақылауда. Бұл жөнінде Бас прокуратураның
ресми өкілі Нұрдәулет Сүйіндіков мәлімдеді. Сондай-ақ, ол "Астана" телеарнасы
тілшісінің сұрағына жауап бере отырып, елімізде діни экстремизм мен терроризмге
төтеп беру жолындағы басты проблеманы атады. Бас прокуратура өкілінің айтуынша,
Қазақстанда білікті кадрлардың тапшылығы айқын сезілуде.
Айта өтейік, бүгін
Бас қалада үш күндік вебинар бастау алды. Оның жұмысына күштік
құрылым өкілдері, теологтар және сарапшылар қатысуда. Олар радикалды
идеологияның жетегінде кеткен азаматтармен әңгіме жүргізудің әдіс-тәсілдерін
жан-жақты талқылады.
Нұрдәулет
Сүйіндіков, ҚР Бас прокуратурасының ресми өкілі:
Түрлі
террористік ұйым қатарына кіріп үлгергендер Ұлттық қауіпсіздік комитеті
үйлестірушілерінің назарында. Солардың келтірген мәліметтеріне сүйене отырып,
біз елде осындай азаматтардың саны қанша екенін біліп отырамыз. Бүгінде түрлі
халықаралық лаңкестік ұйымдар қатарында шамамен 300 қазақстандық бар. Ондайлар
ел ішінде де жоқ емес. Бұл азаматтар бойынша жедел әрі алдын алу шаралары
жүргізілуде.
Нұрдәулет
Сүйіндіковтың айтуынша, терроризм мен экстремизм үшін айыпталып, қамауға
алынғандардың отбасыларына мемлекеттік органдар тарапынан қолдау көрсетіліп
жатыр.
Нұрдәулет
Сүйіндіков, ҚР Бас прокуратурасының ресми өкілі:
Ондай
адамдарға психологиялық, әлеуметтік көмек көрсетіледі. Білім алу, медициналық тұрғыдағы сұрақтары да шешіліп
жатыр. Сонымен қатар профилактикалық жұмыстар жүргізілуде. Қылмыс жасағандардың
өздері де шалыс қадамға енді бармаймыз деп отыр.
