Мұқтар
Әбілязов пен Виктор Храпунов ұрлаған 21 млн доллар Қазақстанға қайтарылуы
мүмкін. Бұл сома АҚШ-та бұғатталды. Еліміздің Әділет министрлігі осылай деп
хабарлайды.
Осыдан екі жыл бұрын Алматы әкімдігі мен Әділет министрлігі АҚШ-тың Калифорния штатының сотына Храпунов
пен онымен сыбайластарына қарсы арыз-шағым түсірген. Нәтижесінде Америка соты
Қазақстаннан ұрланған және шығарылған активтердің атын атап, түсін түстеп
берді. Іле-шала қылмыстық қудалаудан және ұрлаған ақшаның тәркіленуінен
қауіптенген Храпунов пен Әбілязов активтерді тездетіп сата бастады. Атап
айтқанда, Нью-Йорктегі қонақ үй апартаменттерін жөндеу жобасына 40 млн АҚШ
долларын жұмсаса да, оны 21 миллионға сатуға әрекет жасаған. Алайда үлгермей
қалды.
Қазіргі уақытта Нью-Йорк штатының сотында бұғатталған 21 млн долларды
елге қайтару бойынша жұмыс жүргізіліп жатыр. Еске салайық, Виктор Храпунов пен
Мұқтар Әбілязов 4 млрд долларды қолды қылып, елден қашып кетті деп айыпталған.
Олар бір біріне құда.
Мөлдір БАҚЫТҚЫЗЫ
