Ресейдің Ведомствоаралық комиссия
«Протон-М» зымыран-тасығышы есептік ұшу кезіндегі қателіктен құлады деген
ақпаратты жоққа шығарды. «Штаттан тыс жағдайға ұшу кезіндегі есептік қателік
себеп болған жоқ», - деп комиссия төрағасы, «орталық машина құрастыру
ғылыми-зерттеу институты» федералды кәсіпорын басшысының орынбасары Александр
Данилюкқа сілтеме жазап, «Итар-ТАСС» агенттігі хабарлады.
Данилюктің айтуынша, Ведомствоаралық
комиссияның қорытындысы 22 мамыр күні белгілі болады.
Еске салсақ, 16-мамырда «Байқоңыр» ғарыш
айлағынан ұшқан «Экспресс» спутнигін тасымалдаушы «Протон-М» зымыран-тасығышы
атмосфераның қалың қабаттарында жанып кеткен болатын.
Алдын ала мәлімет бойынша старттан
кейінгі 545 секундта тасығыш ракетаның басқару қозғалтқышының үшінші бөлігі
істен шықты.
Айгүл ӘДЕПБАЙ