Оңтүстік Корея солтүстіктегі
көршісіне қарсы пропагандалық хабар таратуын қайта жандандырды. «Рейтерс»
ақпарат агенттігінің хабарлауынша, елдің қорғаныс ведомствосы шекара сызығының
дәл алдында дауыс зорайтқыштары мен
әскери қару-жарақтарды тізіп қойған. Зымырандар мен зеңбіректер де
орнатылды.
Айта өтейік, өткен жылдың тамыз айында ресми Пхеньян пропагандалық
үгіт-насихат жұмыстары қайта жүргізілсе, мұны соғыс ашуға үндеу деп
бағалайтынын мәлімдеген. Еске салайық, 5 ай бұрын екі ел бір-біріне қарсы
артиллериялық соққы жасаған. Қақтығыс тек 2 күндік келіссөздерден кейін
басылған-ды.