Ұлттық
қордағы ақша 6-7 жылда таусылып қалуы мүмкін. Ұлттық банктің инвестициялық
корпорация басқармасының төрағасы Берік Өтемұрат АҚШ-тың Wall Street Journal-ына берген сұхбатында
осылай дейді.
Қорда
қазір 64 млрд АҚШ валютасы бар. 2014 жылдың тамыз айына дейін бұл сома 77 млрд
болатын. Яғни осы уақыт аралығында қордағы қаржы 17%-ға қысқарды. Өтемұраттың
айтуынша, Үкімет жыл сайын бюджет шығындарын жабуға 9,5 млрд көк қағаз алады.
Ал соңғы 5 жылда Ұлттық қор жылына 1,96 пайыз табыс тауып келген. Мемлекеттік
шығындарды жабу үшін, жыл сайын 5-6 миллиард америка валютасы көлемінде кіріс
кіріп тұруы тиіс, - деп нақтылады спикер.
Айта кетейік, Алматыдағы Өтемұрат мырзамен
біздің тілшілеріміз байланысқа шығуға тырысқан еді. Алайда, ол шетелдік басылымға берген сұхбаты жөнінде
қандай да бір түсінік беруден бас тартты.
Мөлдір БАҚЫТҚЫЗЫ
