Кеше елбасы Нұрсұлтан Назарбаев
пен Өзбекстан Респубилкасының президенті Ислам Кәрімов ҚР Тұңғыш Президентінің
кітапханасын аралады. Бұл туралы Ақорданың баспасөз қызметі хабарлады. Екі ел
басшылары Тұңғыш Президент кітапханасының қызметімен танысты. Орталықтың
негізгі залы мен маңызды экспозициялары көрсетілді. Сонымен қатар президенттер
«мобильді кітапхана» жүйесімен танысты.
Естеріңізге
сала кетейік, Өзбекстан президенті Ислам Кәрімов Астанаға 24 қараша күні келді.
Мемлекет басшылары екі ел арасындағы тауар айналымы, су-энергетика, көлік және мәдениет
саласындағы түрлі тақырыптарды талқылады. Кездесудің қорытындысы бойынша
2015-2016 жылдарға арналған ынтымақтастық бағдарламасына қол қойылды.
Тоғжан
ЖАЛҒАСБЕКҚЫЗЫ
