Ұлыбритания
алғашқылардың бірі болып, Эбола вирусынан зардап шеккен Африка елдеріне 50
миллион доллар көмек қаржы жөнелтті. Рейтер агенттігінің мәліметінше, арнайы
қор құру туралы шешімді өткен аптада халықаралық валюта қорының
үйлестіруші-директоры Кристин Лагард жариялаған.
Батыс Африка елдерінде аталған
індетке 9004 адам шалдыққан. Дүниежүзілік денсаулық сақтау ұйымының дерегінше «қара»
континентте 100 мың адам басына тек бір дәрігерден келеді.
Олардың өзі қалада
тұратындықтан, ауылды мекендердегі емделушілерге көмек қолдары жете бермейді.
Біріккен ұлттар ұйымының болжамынша, Эбола вирусымен күреске барлығы 600
миллион доллар қажет.
Жұрағат БАМАН
