Жемқорлықты тұншықтыру керек! Қызылжарда осындай атаумен акция өтті.
Қаланың орталық көшесіне жиналған жастар шерулетіп, жемқорлыққа қарсы
ұрандатты. Кейін олар шаһардың бас саябағында жасанды 1 млн теңге мен 10 мың
доллар, сондай-ақ пара ретінде алынған тұрмыстық техниканы өртеп жіберді.
Осылайша ұйымдастырушылар бұқара мен мемлекеттік қызметкерлерді адал болуға
үндеді. Акцияға жүзге жуық колледж студенттері қатысты. «Мұндай бастамалар
сыбайлас жемқорлықтың тамырына балта шабудың бірден-бір жолы», - деп санайды
олар. Айта кету керек, акцияда қауіпсіздікті өрт сөндірушілер бақылады.
Нұрлан Жахин, ҚР Мемлекеттік қызмет істері және сыбайлас жемқорлыққа қарссы
іс-қимыл агенттігінің бөлім басшысы:
Бұл акциямен лауазымды тұлғаларға қызмет жасаған кезінде мемлекетке адал
болуға шақырамыз. Өз қызметін адал жасауға, шын ниетпен және пара алмауға
шақырамыз.
Абзал ҚҰРМАНКИН
