Қазақстанда қызылшаға қарсы егіліп жатқан үнділік вакцина
қосымша тексерістен өтуде. Бұл туралы Денсаулық сақтау және әлеуметтік даму
министрі Тамара Дүйсенова мәлімдеді. Айтуынша, облыстарда екпе жасау барысы
жіті тексерілуде.
Сондай-ақ, бұл іспен Дүниежүзілік денсаулық сақтау ұйымының
еліміздегі өкілдері, ұлттық сараптама және санитарлық-эпидемиялогиялық
орталықтар айналысуда. Сараптама жұмыстарының қорытындысы 2 наурызға қарай
белгілі болмақ.
Тамара Дүйсенова, ҚР Денсаулық сақтау және әлеуметтік
даму министрі:
Ұлттық экспертиза орталығы тұр, соған жібердік тексеруге.
Екіншіден мынау Ақтауға, Маңғыстау облысына, Көкшетауға және Оңтүстік Қазақстан
облыстарына бригадамызды жібердік. Олар сол жерде жұмыс істеп жатыр. Және де
біз ВОЗ-дың қызметкерлерін де шақырдық. Олар да жұмыс істеп жатыр. Үшінші
мәселе жергілікті жерлердегі медициналық орталықтарда екпеден өтетін шарттардың
орындалуы қалай болып жатыр, сол үш жақта жұмыс істеп жатырмыз.
Жұрағат БАМАН