Қарағандылық кеншілер мен металлургтер «кезектен тыс президенттік сайлауын өткізу ұтымды шешім» деп санайды. Теміртаудағы металлургия комбинатының металлургтері бір ауыздан осындай үндеу жасады.
Олардың пікірінше, елімізде кезектен тыс президент сайлауын өткізіп алып, алаңсыз «Нұрлы жол — болашаққа бастар жол» бағдарламасын, «Қазақстан-2050»стратегиясындағы міндеттерді орындауға ден қоюға көмектеседі.
Сондай-ақ, әлемдік дағдарыс кезінде қарапайым жұмысшылардың әлеуметтік қорғалуын қамтамасыз етпек. Жуырда ғана жалақы мәселесін шешіп берген үкіметтің, ендігі уақытта еңбекақы мөлшері мен жұмыс орнын сақтауды жіті қадағалайтынына сенімді.
Қанат Баукенов, «Арселор Миттал Теміртау» АҚ металлургия комбинаты үздіксіз болат құю цехының аға шебері:
26-шы сәуір күні президент сайлауы болатыны анықталды. Бүкіл металлургтер президент сайлауын
қолдайды. Ары қарай саяси бағдарламаларды жөндеп алу үшін осы сайлау өте қажет
деп ойлаймын.
Айжан ҚУАШ
