Бүгін Астанада жеуге жарамсыз 85
келі салат жапырағы мен 21 келі қара бүлдірген жойылды, нақтырақ айтсақ - отқа
жағылды. Еуропадан жеткізілген көкөніс пен жемістен зиянкес жәндіктер
табылыпты. Өнім Нидерландтан импортталған.
Ауыл шаруашылығы
министрлігінің өсімдіктер карантині жөніндегі мемлекеттік инспекциясы олардың
арасынан батыс калифорниялық гүл трипсі деген адам ағзасына аса қауіпті
зиянкестерді анықтады. Олар жылыжайларда өсетін өсімдіктер мен көкөніс,
жеміс-жидектің жауы. Бірақ ол отандық жылыжайларға таралған жоқ деп сендірді
карантинді бақылайтын инспекторлар. Қауіпті өнімдер Астананың халықаралық әуежайында
санитарлық бақылау кезінде анықталған. Сондықтан базар сөрелеріне жете қоймаса
керек.
Айта кетерлігі, зиянды жәндіктер өткен жылы да тағы сол Нидерландтан
келген тауарлардан алты рет анықталған. Үш мәрте голландиялық гүлдерден
табылған.
Айгүл ӘДЕПБАЙ
