Қазақстанда
девальвациядан кейін қолға алынған шаралар нәтиже берсе, ЖІӨ 1,5%-ға
артып, бюджет тапшылығы 3,3%-дан 2,6%-ға
дейін азаюы тиіс. Бұл туралы Вести ру сайтына шыққан мақалада жазылған. Олар
жекешелендіру мен инвесторлар тартудан түсетін табысты айтып отыр. Басылымның
жазуынша, Ресейде наурыздағы рубльдің құлдырауынан соң инфляция 17%-ға жетті.
Желтоқсанда ол 12,9% құраған, алайда бұл көңіл көншітетін көрсеткіш емес.
Жағдайды түзеу үшін үкімет шығындарды 1,5 трлн рубльге дейін қысқартуы керек.
Бұл - 19 млрд АҚШ валютасы.
ОПЕК мүшелері арасындағы ең ауқаттысы саналатын ел -
Сауд Арабиясы да белбеуді қыса түскен. Түрлі субсидиялар қысқарып, оның орнын
жаңа салық түрлері басты. Валюта қоры 115 миллиардқа қысқарды. Билік тіпті
мұнай алпауыты Aramco-ны жеке қолға бермек. Араб әмірліктері су мен электр
қуаты тарифтерін 170% дейін арттырған.
Ал мұнай құнының арзандауынан ең қатты зардап шеккен мемлекет - Венесуэла.
Президент Николас Мадуро мұны "қаржылық
құрдымға кету" деп бекер атамаса керек. Елде инфляция мөлшері бұрын-соңды
болмаған рекорд орнатып, 275% жетті.
2016 жылы бұл мөлшер 720% болады деген болжам бар.
