Cу
тасқынына қатысты жағдайға күнделікті мониторинг жасап тұру қажет. Бүгін
селекторлық жиын барысында еліміздің бірінші вице-премьері Бақытжан Сағынтаев
жауапты мемлекеттік органдарға және өңір басшыларына осындай тапсырма берді, деп
хабарлады Премьер-министрдің баспасөз қызметі.
Ресми хабарламаға сүйенсек,
еліміздің барлық аймақтарында су тасқынына қарсы іс-қимыл жоспары жасалған.
Аймақтарда уақытша дамбалар салынып, үш шақырымнан астам плотина қалпына
келтірілді.
Сондай-ақ, Төтенше жағдайлар комитетінің мәліметінше, су деңгейі
көтерілген өңірлерде 140 мыңнан аса текше метр су сорылған. Бүгінде су басу
қаупі бар жерлерден 11 172 адам эвакуацияланған.
Жұрағат БАМАН
