Непалда жер асты дүмпулері тыйылар емес. Жойқын апаттан есін жия алмай
жатқан елде бүгін тағы жер сілкінді. Рейтерстің хабарлауынша, жаңадан тіркелген
жер сілкінісінен тағы 4 адам қаза тапқан.
Халық үрейлі. Көпшіліктің
жүйке жүйесі сыр беріп жатыр. Жаңадан тіркелген жер асты дүмпулерінің қуаты 7
балл шамасында. Жергілікті билік құтқару операцияларын кеше ресми түрде
тоқтатқан еді. Қазір Непал бірінші кезекте медициналық көмекке зәру.
Жарақаттанғандар саны 18 мыңнан асып жығылады. Күркелер де тапшы. Елде 100 мың
адамның баспанасы жермен-жексен болып, халық қаңғып қалды. Ал алда толассыз
жауатын муссон жаңбырының маусымы келе жатыр.
Еске салайық, қайғылы апат
сәуірдің 25-де болды. Аса жойқын жер асты дүмпулерінен тұрғын-жайлар қирап, 8
мыңнан астам адам қаза тапты.
Айгүл ӘДЕПБАЙ
