Қызылорда облысында поезд
машинистері киіктерді басып өлтірмек болды. Оны өздері видеоға түсіріп алған.
Бір топ киіктің үйірін көрген машинистер, жануарлар темір жолға жақындағанда
жылдамдықты артырып әдейі баспақ болады. Олардың мұндай қадамға не итермелегені
әзірге белгісіз. Бейнежазбаны ғаламторға салған автор: оқиға Қызылорда облысы
Сексеуіл станциясы аймағында орын алғанын жазады. Интернет қолданушы өз
парақшасында: «Видеода машинистердің киікті қызық үшін баспақ болғандары
көрініп-ақ тұр. Қызыл кітапқа енген, өзі де саны азайып бара жатқан жануарларды
осыншама қинап қажеті не? Бейнежазбаны түсірген адамдар нағыз қатыгездер» - дейді.
Айта кетейік, жергілікті билік өкілдері әзірге видеоға қатысты түсініктеме
берген жоқ. Поезд жүргізушілерінің кім екендігі туралы ақпарат та әлі
анықталмады.
Жұрағат БАМАН
