Негізгі / Жаңалықтар / Ақтөбеде өртенген автобустың иесі Өзбекстаннан экстрадицияланды

Ақтөбеде өртенген автобустың иесі Өзбекстаннан экстрадицияланды

Ақтөбе облысында 52 адам тірідей жанып кеткен автобустың иесі Ордухан Мехтиев Өзбекстаннан экстрадицияланды. Күдікті Шымкент қаласының тергеу изоляторында. Бұл туралы Бас прокуратура хабарлама таратты. Ордухан Мехтиев осы қайғылы оқиғадан кейін көрші мемлекетте жасырынып жүрген. Оған халықаралық іздеу жарияланған болатын. Оған Ақтөбе облысында жолаушылар көлігінің өртенуіне және онда 52 адамның қаза болуына әкеп соқтырған техникалық ақауы бар автобусты заңсыз пайдаланған деген айып тағылып отыр. Айта кетейік, қайғылы оқиғадан кейін сол автобустың аман қалған үш жүргізушісі дереу қамауға алынып, жақында бес жылға бас бостандықтарынан айырылды. Ал, механигі мен құрылтайшысы 3 жыл 6 айға қамалған еді.  

Б. Рахметова