Ел аумағынан қара және түсті металлдардың сынығы мен қалдықтарын шығаруға тыйым салынды. Өзгеріс кешеден бастап енгізілген. Бұл туралы Мемлекеттік кірістер комитетінің мамандары мәлімдеді. Өйткені, шетелге қара және түрлі түсті металлдар көп шығарылып жатқан көрінеді. Мұны металлургтер қауымдастығы Үкімет деңгейінде көтеріп, шетелге шығарылуына тыйым салуды сұраған.
Ануар МӘДИЕВ, ҚР ҚАРЖЫ МИНИСТРЛІГІ МЕМЛЕКЕТТІК КІРІСТЕР КОМИТЕТІНІҢ БАСҚАРМА ЖЕТЕКШІСІ:
Нақты шығын көлемін айта алмаймын. Өйткені, бұл бастаманы Мемлекеттік кірістер комитеті емес, Индустрия және инфрақұрылымдық даму министрлігі көтерді. Металлургтер қауымдастығындағылардың айтуынша, қара және түсті металлдарды шығарудан келген шығын 30 млрд теңге шамасында.
Г. Меңдеева
