Елімізде 2000-ға тарта ауылда аурухана мүлдем жоқ. Жол ұзақтығынан Солтүстік Қазақстан және Батыста 37 ауылдың тұрғындары медициналық көмекке қолдары жетпей отыр. Олар аудан орталықтарына жету үшін шұрық-тесік жолдармен 180 шақырымдай жүруі қажет. Ал, қыс кезінде жолды қар бітеп азапқа салады. Салдарынан шұғыл көмек көрестілуі тиіс науқас 2-3 сағатқа кешігеді. Бүгін «Нұр Отан» фракциясы осы мәселені көтеріп, географиялық орналасуына байланысты медициналық нормативті қайта қарау керегін айтты.
Гүлмира ИСИМБАЕВА, «НҰР ОТАН»ФРАКЦИЯСЫНЫҢ ЖЕТЕКШІСІ,ҚР ПАРЛАМЕНТ МӘЖІЛІСІНІҢ ДЕПУТАТЫ:
Ауылдағы тұрғындардың саны ғана емес, елді-мекендердің бір-бірінен қашықтығы географиялық және табиғи климаттық факторлары ескерілуі қажет. Медициналық ұйымдар жүйесін дамытудың инфрақұрылымдық жоспарын пысықтау қажет деп ойлаймыз.
У. Қабылтай
