Астаналық оқушылар қоқысты қайта өңдеп, экологияны жақсартпақ. Құстарға қамқорлық көрсетіп, қоршаған ортаны қорғайды. Елорда мектептерінде экологиялық марафон бастау алды. Дарынды оқушылар тұрмыстық қалдықтарды сұрыптайтын зауыт макетін жасаған. Ал, құстарға арнап 200-ге жуық жемсалғыш жасапты. Алдағы уақытта Президент саябағына орнатылады. Бұдан бөлек, марафон аясында экологиялық көрмелер мен зияткерлік сайыстар ұйымдастырылмақ.
Әлия ӨСКЕНОВА, АСТАНА ҚАЛАСЫ №79 МЕКТЕП-ЛИЦЕЙ ОҚУШЫСЫ:
Қазір қоқыстардың қоршаған ортаны ластауы өзекті мәселеге айналды. Сол үшін қалдықтарды қайта өңдейтін осындай зауыт болса деймін. Көрмеге алып келген бұл макетті қағаздан жасадым.
А. Бектас
