Айта кетейік, «Астана» телеарнасы Президенттік сайлау барысын таңғы 10:00-нан бастап түнгі 12-ге дейін сағат сайын екі тілде тікелей эфирде көрсетеді. Еске салайық, Президенттік сайлауға 7 кандидат түсіп отыр. Айта кету керек, Қазақстанда дауыс беруге құқы бар 12 млн-ға жуық сайлаушы бар. Ал сайлау бюллетеньдерінің саны одан сәл көптеу жасалды. Биыл сайлауға елдегі 680 мың мүгедектің 500 мыңға жуығы қатысады деп болжанып отыр. Олар үшін учаскілер инклюзивті жабдықтармен қамтамасыз етіліп жатыр.
А. Бектас
