Ауа райы -
Негізгі / Жаңалықтар / Сириядан оралған 15 қазақстандық 5 жылдан 10 жылға дейін сотталды

Сириядан оралған 15 қазақстандық 5 жылдан 10 жылға дейін сотталды

«Жусан» гуманитарлық операциясымен елге оралғандардың алды соттала бастады. 15 адам Сириядағы содырлармен байланысқаны үшін 5 жылдан 10 жылға дейін жазаға тартылды. Тағы 14 адам ДАИШ террористік ұйымның әрекетіне қатыстықан деген айыппен сот алдында жауап бермек. Ал олардың балалары жетімдер үйіне тапсырыла ма? Сирияда сауап жинамыз деп адасқандар туралы Әлихан Асқарұлы сабақтайды.

Сириядағы соғыс әйелдерді жесір, балаларды жетім етті. Шам еліндегі шайқастан шарапат табамыз деп аттанған қазақстандықтың бірі - Айдана Максим.

Айдана МАКСИМ:


Келе жатқанда бала-шағаммен он қадамдай алдыма снаряд түскен. Бүгін жатсақ, біз емес, кішкентай 5-6 жастағы балалар "Инша Алла бүгін түнде біз өліп қамасақ, таңертең тұрып осындай ойын ойнайықшы" деген әңгіме айтатын болды балаларым.


Қазір қатерге толы сол күндерді қорқынышты түстей еске алады. Айдана Сириядағы сол сойқаннан бір ай бұрын елге жеткеніне шүкіршілік етеді.

Айдана МАКСИМ:

Мамама жазатынмын. Қиналдым, кеткім келеді, үйге барғым келді деген сияқты. Мама айтатын: «Осы бүгін келесіңдер», - деп. Күлемін, сенбеймін. Мама қалай? - Жоқ шын айтамын, сендер келесіңдер үйге.

«Жусан» операциясы кезінде 595 қазақстандық елге қайтарылды. Оралғандардың 400-ден астамы бала. Бірақ елге оралған ересектер жазасыз қалмайды. ДАИШ террористік ұйымының әрекетіне қатысы барлары жазаға тартыла бастады. 

Аркен АБДУҒАЛИ, ҚР ҰЛТТЫҚ ҚАУІПСІЗДІК КОМИТЕТІНІҢ РЕСМИ ӨКІЛІ:

Қайтарылған адамдардың ішінде 10 ер адам мен 5 әйел Қазақстанда тыйым салынған ДАИШ халықаралық террористік ұйымының әрекетіне қатысу фактісі бойынша әртүрлі мерзімдерге бас бостандығынан айырылды.


ДАИШ ұймының жасағында болған тағы 14 азаматқа қатысты қылмыстық істі тергеу аяқталды. Оларға содырлық әрекетке қатысып, терроризмді насихаттады және өзге де ауыр қылмыстар жасады деген айып тағылып отыр.

Дәулет ЕЛЕМЕСОВ, ҚР ҰЛТТЫҚ ҚАУІПСІЗДІК КОМИТЕТІ БАСПАСӨЗ ҚЫЗМЕТІНІҢ ЖЕТЕКШІСІ:


Сотталып жатқан азаматтардың балалары бар. Бүлдіршіндерді жетімдер үйіне орналастыру туралы ұсыныстар болған, дегенмен олар сотталушылардың туыстарына берілді.


Тауяда Қазақстан Ирактағы жетімдер үйінде қалған тағы 14 баланы елге қайтаруды жоспарлап отыр. Олардың әкелері соғыс аймағында мерт болып, аналары сол жақта өмір бойына бас бостандықтарынан айырылған. 

Ә. Асқарұлы