Алматылық онлайн-дүкен иесі "Қазпоштаға" шағымданды. Арнамызға хабарласқан Айдана Чиникенова пошта қызметіндегі олқылықтан клиентінен айырылып қала жаздағанын айтты. Құлсарылық клиенті тауарын алуға Қазпоштаға келсе, фамилияңыз қате деп қайтарып жіберген. Бұл Алматыдағы қазпошталықтардың қате толтыруынан туындаған жағдай, дейді сатушы.
Айдана ЧИНИКЕНОВА, АЛМАТЫ ҚАЛАСЫНЫҢ ТҰРҒЫНЫ:
Үш қателікке дейін тауарды беруі қажет Қазпоштаның адамдары. Бірақ Құлсарының адамдары бізге атауарды бермей, тіпті жаман сөздер айтып: өздеріңіз білесіздер, бізге бәрібір. Подтверждение жіберіңіз. Біз тауарды олай бермейміз сіздерге. Сіздер кімсіздер. Біз ол дүниені білмейміз. Яғни үш қатеге дейін посылканы беретінін. Сондықтан біз осылай клиенттерімізді жоғалтып жатырмыз.
Ләйлә ҚАЗИАҚПАРОВА, ТЕЛЕЖҮРГІЗУШІ:
Осы мәселеге байланысты "Қазпошта" Акционерлік қоғамына хабарластық. Жарнама және PR департаментінің бас менеджері Сәуле Мұқашева қазір бізбен тікелей байланыста. Қайырлы кеш, Сәуле Төлеуқызы! Бизнесін онлайн дөңгелетіп отырған көрермен қазпошта қызметкерлерінің олқылығынан тауарды клиент ала алмай отыр дейді. Бұған не дейсіз?
Сәуле МҰҚАШЕВА, "ҚАЗПОШТА" АҚ ЖАРНАМА ЖӘНЕ PR ДЕПАРТАМЕНТІНІҢ БАС МЕНЕДЖЕРІ:
Сәлеметсіз бе?! Операторларымыз қызмет көрсеткенде пошта қызметтерінің ұсыну ережелерін қолданады. Осы ереже бойынша клиенттерімізге сәлемдемені жіберген кезде барлық мәліметтерді сыртына өздері жазады. Оператор бұл ақпаратты системаға енгізеді. Мәліметтердің дұрыс толтырылғандығын тексеру үшін клиентке системаға енгізілген ақпаратпен квитанция беріледі. Клиент оны тексеріп, өз қолын қояды. Әр адамның почеркі әртүрлі болады ғой, айтылған жағдайдағы Ембергенов деген фамилияның орнына Елибергенова деп жазылып кеткен. Бірақ клиентімі квитанциямен тексерген кезде дұрыс қарамаған болуы керек. Бұндай жағдай болмауы үшін клиенттерімізден квитанцияны мұқият тексеруін сұраймыз.
Ләйлә ҚАЗИАҚПАРОВА, ТЕЛЕЖҮРГІЗУШІ:
Ал енді сатушы мен клиент қай жерге барып шағымын айта алады?
Сәуле МҰҚАШЕВА, "ҚАЗПОШТА" АҚ ЖАРНАМА ЖӘНЕ PR ДЕПАРТАМЕНТІНІҢ БАС МЕНЕДЖЕРІ:
Жаңағы клиенттің сәлемдемесі алушыға жеткізілген кезде қателер шықты базадан. Сол үшін оператор оған сәлемдемені берген жоқ. Өйткені ереже бойынша қате шыққан жағдайда біз жіберушіден заявление сұраймыз. Сәлемдемені алушыға беру туралы өтініш сұраймыз. Ол кісі жазып бергеннен кейін өтінішті алып, мәліметті өзгертеміз де алушыға мәліметті тапсырып береміз өзіміз.
Ләйлә ҚАЗИАҚПАРОВА, ТЕЛЕЖҮРГІЗУШІ:
Қазір онлайн сауданың қарқын алған кезі. Осыған байланысты пошташыларға түскен ауыртпалық та артқан болар. Қызметкерлеріңізге қандай да бір талаптар қоясыздар ма?
Сәуле МҰҚАШЕВА, "ҚАЗПОШТА" АҚ ЖАРНАМА ЖӘНЕ PR ДЕПАРТАМЕНТІНІҢ БАС МЕНЕДЖЕРІ:
Қызметкерлерімізге қойылатын талаптар өзгерген жоқ. Сол баяғы системаларында жұмыс істейді. Біз түрлі онлайн, филиалдарға барып та әртүрлі сабақ өткіземіз. Жаңадан енгізіліп жатқан сервистермен, қызметтермен таныстырамыз. Онда қалай жұмыс істеу керек, клиенттермен қалай жұмыс істеу керек, соның барлығын түсіндіріп отырамыз. Егер осындай жағдайлар болса клиенттеріміз фэйсбук немесе пост.кз сайтына шағымдарын жазып береді. Біз міндетті түрді әрбір шағым бойынша тексеріс өткіземіз.
Ләйлә ҚАЗИАҚПАРОВА, ТЕЛЕЖҮРГІЗУШІ:
Рақмет, Сәуле. Мұндай жағдай ендігәрі қайталанбайды деген сенімдеміз.
Ә. Өмірзақ
