Елбасы елдегі жағдайды мұқият бақылап отыр. Тұңғыш Президенттің баспасөз хатшысы Айдос Үкібай осыны жеткізді. Оның сөзінше, Елбасы маңызды саяси шешімдерді талқылауға қатысып, ел Президентіне қолдау көрсетуде. Ал өзекті ақпараттарды оған Қауіпсіздік Кеңесінің хатшысы жеткізеді. Сонымен қатар, Нұрсұлтан Назарбаев қысылтаяң кезде ел азаматтарына көмек қолын созумен айналысып жатқан "Nur Otan" партиясының қызметін де үйлестіріп отыр. «Birgemiz» қоғамдық қорының жұмысын да бақылауға алған. Бұдан бөлек, әлемдік экономиканы зерттеп, жаһандық мәселелердің Қазақстанға теріс ықпал етуі бойынша талдау жұмыстарын күшейтуді тапсырған.
А. Мүтәлі
