Негізгі / Жаңалықтар / Алматылық дәрігерлерге жемістер мен санитарлық заттар жеткізілді

Алматылық дәрігерлерге жемістер мен санитарлық заттар жеткізілді

Алматылық ақ халаттыларға демеу болу мақсатында, жергілікті кәсіпкерлер көмек қолын созды. «Біз Біргеміз!» шарасына тұрақты ат салысып жүрген жас кәсіпкер Вахид Гасанов бүгін дәрігерлерге жарты тонна жеміс-жидек пен санитарлық заттар жеткізіп берді. Қайырымдылыққа «Нұр Отан» партиясы ұйытқы болды. Мақсат жұқпалы дерпен күресіп жүрген жандардың денсаулығын дәрумендермен нығайту, әрі қамқорлықты сездіру. Партиялықтар дәрігерлер тұратын жатақхананың әлеуметтік-санитарлық жағдайын бақылауға алды. Әр аудан бойынша арнайы комиссия құрып, апта сайын тексеріп тұрмақ.

Вахид ГАСАНОВ, КӘСІПКЕР:

Өздеріңіз білесіздер Алматылық дәрігерлердің бірқатары коронавирус індетімен аурырып жатыр. Мұндай уақытта шетте қалмауымыз керек. Елдегі 130-ден аса ұлттың, бір тудың астына жиналатын кезі келді. Мен қолымнан келгенше көмегімді көрсетуге дайынмын.

Станислав КАНКУРОВ, «NUR OTAN» ПАРТИЯСЫ АЛМАТЫ қ. ФИЛИАЛЫ ТӨРАҒАСЫНЫҢ БІРІНШІ ОРЫНБАСАРЫ:

Осы акцияның мақсаты - біздің медицина саласында жұмыс істейтін адамдарды, қызметкерлерді қолдау. Мысалы, бүгін демеушілердің көмегімен осы жерге жеміс-жидектер, антисептиктер алып келдік. Тағы да қандай көмек керек болса, көмектесеміз.

А. Кемелжан