$457.7 €492.81 ₽6.49
×

Мексикада зілзала құрбандарының саны 248 адамға жетті

AstanaTV
20.09.2017ж. 20:00
2605
Мексикада зілзала құрбандарының саны 248 адамға жетті

Мексикада жер сілкінісінен мерт болғандар саны 248 адамға жетті. Бұл туралы елдің апаттық-құтқару қызметінің басшысы мәлімдеді. Құрбандар әлі де көбеюі мүмкін. Әрбір 20 минут сайын үйінділер астынан мәйіттер шығарылып жатыр. Құтқару жұмыстары дамылсыз жүргізілуде. Мемлекет астанасы Мехикода төтенше жағдай жарияланған. Рейтерстің хабарлауынша, зілзаладан келген шығын орасан. Көптеген ғимараттар қирап қалды. Арасында мектеп те бар. Зілзала кезінде білім ордасында сабақ болып жатқан. Опат болған балалар саны 30-ға жуықтайды. Жер сілкінісінен жарақат алған жандарды емдеу орындары тәулік бойы қабылдап жатыр. Ел президентінің сөзінше, миллиондаған тұрғын жарықсыз отыр.

Энрике Пенья Ньето, Мексика президенті:

Ең алдымен, құтқару жұмыстарын жалғастырып, медициналық көмек көрсетуіміз керек.  Мехикодан бөлек, төтенше жағдай Пуэбло мен Морелос штаттарында да енгізілді. Әскерилер де қол ұшып созып, зардап шеккендерге көмектесуде. 

Жер сілкінісі осымен екінші жер орын алды. Жетінші қыркүйекте болған зілзаладан 200-дей адам мерт болған еді. Еліміздің Сыртқы істер министрлігі берген ақпаратқа сай, Мексикада зардап шеккен қазақстандықтар жайлы қандай да мәлімет жоқ. Барлық ақпараттар жіті тексерілуде. 

orda

«Orda FM» радиосы

Бұл жақсы музыка, өзекті жаңалықтар, қызықты бағдарламалар мен еркеліктер толқыны
Онлайн тыңдау
AstanaTV жарнамасы

Телеграм-канал AstanaTV

Подпишитесь на наш телеграм-канал и будьте в курсе всех событий моментально . Участвуйте в различных розыгрышах
Соңғы жаңалықтар