Ауа райы -
×
Негізгі / Жаңалықтар / "Ауди" көлігінде кетіп бара жатқан бұзау желінің жұлдызына айналды

"Ауди" көлігінде кетіп бара жатқан бұзау желінің жұлдызына айналды

Қызылжарда "Ауди" көлігінде кетіп бара жатқан бұзау желінің жұлдызына айналды. Облыс тұрғыны көліктің артқы орындығын алып тастап, тірі бұзауды мінгізіп алған. Оның көлік терезесінен адамдарға тесіле қараған сәтін жолаушылар  телефондарына түсіріп алыпты. Қалаға кіріп бара жатқан көліктегі жануар жан-жағына жалтақтайды. Тәртіп сақшылар ерекше жолаушысы бар көлікті анықтап, көше бойынан тоқтатыпты. "Ауди" көлігінің жүргізушісі малды ауылдан қалаға сатуға алып келе жатқанын айтыпты. Арнайы көліктің болмағанын түсіндірген. Алайда, бұл оны жазадан құтқара алмады. Полиция шамамен 14 мың теңге көлемінде айыппұл төлеуге міндеттепті.   

Жасұлан СӘДУАҚАСОВ, СҚО ПД ОБЛЫСТЫҚ ПАТРУЛЬДІК ПОЛИЦИЯ БАТАЛЬОНЫНЫҢ ВЗВОД КОМАНДИРІ:


Бұл факті бойынша жүргізушіге ҚР әкімшілік кодексінің 593 бабы бірінші бөлігі, яғни ережеден тыс келген жүктерді тасымалдау үшін әкімшілік жауапкершілікке тартылды. Жүргізушіге бес АЕК айыппұл салынды.

А. Құрманкин