"SOS Астана балалар қалашығында" - бүгін «Бақытты балалық шақ» қайырымдылық шарасы өтті. Ата-анасының қамқорлығынан айрылған балаларға ерекше сый жасалды. 70-тен астам бүлдіршін Елорданың көрікті жерлерін аралап, суретке түсіп, мереке күнін көңілді өткізді. Сый-құрметке ие болды. Бұл игілікті шараны Нұр-Сұлтан қаласының Жастар саясаты мәселелері басқармасы мен Қазақстан Жастар конгресі бірлесіп ұйымдастырған.
Тастемір АҚҰЛАН, НҰР-СҰЛТАН ҚАЛАЛЫҚ ЖАСТАР САЯСАТЫ МӘСЕЛЕЛЕРІ БАСҚАРМАСЫНЫҢ БӨЛІМ БАСШЫСЫ:
Балаларымызға ең қызықтысы болып отырған екі қабатты РЕД БАС автобуспен біз оларды қаланың ең көрікті жерлерімен серуендетіп, жақсы жерлерін көрсететін боламыз.
Перизат ҚАЙРАТ, ҚАЗАҚСТАН ЖАСТАР КОНГРЕСІНІҢ ҚАЙЫРЫМДЫЛЫҚ БАҒЫТЫНЫҢ ДИРЕКТОРЫ:
Қасым-Жомарт Кемелұлының тапсырмасына сәйкес Жастар саясаты мәселелері басқармасы Қазақстан Жастар конгресінің қайырымдылық бағыты бірлесе отыра, осы елордамызда тұрып жатқан 70 жетім баланың арнайы көңіл-күйін кішкене де болса көтеріп, арнайы бір сый-сыяпатымызды берейік деген ниетпен елордамыздың көрікті жерлеріне рухани серуендеу болды деуге болады.
Ғ. Өтемісов
