Коронавирустың тағы бір жаңа штамм табылды деген қауіп бар. Алматының бас мемлекеттік санитарлық дәрігері "Нью-Йорк" штаммына ұқсас түрі тексеру кезінде анықталғанын жариялады. Мегаполисте айналымда жүрген мутацияланған вирустың түрлері эпидемиологиялық жағдайды нашарлатып жібергенін айтты.
Жандарбек БЕКШИН, АЛМАТЫ қ. САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІНІҢ БАСШЫСЫ:
19 -маусымнан бастап күнделікті зерттеу жұмыстарын жүргізіп жатырмыз. ПТР-диагностикасын жүргізу кезінде бір сынамадан "Нью-Йорк" штаммына ұқсас түрі анықталды.Бұл штамм түрі қыста Нью-Йоркте дүрбелең туғызған болатын. Талдау секвенирлеу жұмыстары басталды.
Апта басыннан бері елдің денсаулық сақтау жүйесін тік тұрғызған "үндістандық" немесе "дельта" штаммы 300-ден аса сынаманың жартысынан анықталды. Оның басым бөлігі Елордада, біреуі Алматыда тіркелді. Қазақстандықтардың алып жатқан коронавирусқа қарсы вакцина бұған төтеп бере ала ма?
Жандарбек БЕКШИН, АЛМАТЫ қ. САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІНІҢ БАСШЫСЫ:
Біздің әзірлеушілердің айтуынша, "QazVac" және "Sputnic V" Дүниежүзілік денсаулық сақтау ұйымының мәліметі бойынша, барлық белгілі штаммнан, соның ішінде үнді штаммынан қорғайды.
А. Данияр
