Жамбыл облысына жұмыс сапарымен келген Мәжіліс депутаты Гүлдара Нұрымова Шу ауданының жұршылығымен жүздесті. «Нұр Отан» фракциясының мүшесі сондай-ақ ауданда салынып жатқан әлеуметтік нысандардың құрылысымен танысты. Төле би ауылында «Оқушылар сарайы», 240 орындық мәдениет үйі және мектеп бой көтеруде. Депутат мұнан кейін Қорағаты ауылдық округі әкіміне үміткердің бірлескен іс-шарасына қатысып, жұмыс жоспарын тыңдады. Сайлауға облыс бойынша "Нұр Отан" партиясы атынан 31 кандидат ұсынылған. Олардың 8-і- 35 жасқа дейінгі азамат болса, 3-уі әйел. Үміткерлердің басым көпшілігі білім, мәдениет, ауыл шаруашылығы, бизнес саласының өкілдері және мемлекеттік қызметкерлер.
Б. Жұмабайұлы
